Tölfræði 42k í Reykjavíkurmaraþoni 1986-2017

Tölfræðigreiningar á íslenskum götuhlaupum hafa verið takmarkaðar hingað til. Einna helst hefur hlaup.is verið dugleg við að birta úrslit. Sem hlaupari og áhugamaður um tölfræði hefur mér fundist vanta upp á greiningar sem taka á þróun úrslita yfir tímaraðir og skoða árangur út frá ólíkum forsendum, hvort heldur það er aldur, þjóðerni, meðaltöl eða persentíl (e. percentile) eða aðrir þættir. Mér þótti því þurfa að gera bragarbót á þessu. Heildstæðasta gagnasafnið um árangur er Reykjavíkurmaraþon, sem haldið hefur verið frá árinu 1986. Heildstætt að því leyti að fjöldi hlaupara er mikill og keppt er í nokkrum vegalengdum. Myndræn framsetning gagna skiptir máli til þess að hægt sé að lesa betur í gögnin og gera þau aðgengileg sem flestum. Continue reading

Advertisements

Tölfræði 21k í Reykjavíkurmaraþoni 1986-2017

Aður hafði ég birt tölfræði um þróun hlaupatíma karla og kvenna í 10k hlaupi í Reykjavíkurmaraþoni. Nú er komið að hálfu maraþoni.
Um aðferðafærði má sjá í umfjöllun um 10k hlaupið.

Gögnin eru fengin af hlaup.is

Njótið og deilið að vild.

Dreifing hlaupatíma á fjölda hlaupara í 10K í Reykjavíkurmaraþoni

Líklegast hef ég nördað yfir mig núna. Ég tók saman dreifingu hlaupatíma á fjölda hlaupara í 10K í Reykjavíkurmaraþoni frá upphafi. Þannig fær maður þessa fínu normaldreifingu nema reyndar í einu undantekningartilfelli (2004). Setti þetta saman í eitt myndband með nokkrum útskýringum. Langt frá því að vera fullkomið en það var gaman að prófa þetta.

Tek klárlega við ábendingum.

Tölfræði Reykjavíkurmaraþons frá upphafi

Ég hef hlaupið í yfir 20 ár og hef reynt að passa upp á að halda nokkuð nákvæmlega upp á hversu mikið ég hleyp og hvenær. Frá því að ég keypti fyrsta Garmin úrið reyndist það ekki erfitt. Ég tók þátt í fyrsta Reykjavíkurmaraþoni (10K) árið 1993 og hef verið reglulegur þátttakandi í því síðan þá, þ.e. ef ég hef ekki verið meiddur eða utan landsteinanna. Continue reading