Tölfræði 42k í Reykjavíkurmaraþoni 1986-2017

Tölfræðigreiningar á íslenskum götuhlaupum hafa verið takmarkaðar hingað til. Einna helst hefur hlaup.is verið dugleg við að birta úrslit. Sem hlaupari og áhugamaður um tölfræði hefur mér fundist vanta upp á greiningar sem taka á þróun úrslita yfir tímaraðir og skoða árangur út frá ólíkum forsendum, hvort heldur það er aldur, þjóðerni, meðaltöl eða persentíl (e. percentile) eða aðrir þættir. Mér þótti því þurfa að gera bragarbót á þessu. Heildstæðasta gagnasafnið um árangur er Reykjavíkurmaraþon, sem haldið hefur verið frá árinu 1986. Heildstætt að því leyti að fjöldi hlaupara er mikill og keppt er í nokkrum vegalengdum. Myndræn framsetning gagna skiptir máli til þess að hægt sé að lesa betur í gögnin og gera þau aðgengileg sem flestum.

Ég hef áður birt gögn um þróun 10 km og 21 km keppnishlaupsanna í Reykjavíkurmaraþoni. Að þessu sinni er komið að sambærilegri greiningu fyrir 42 km. Meðfylgjandi myndband talar fyrir sig sjálft en það sem er áhugavert er eftirfarandi:

  • Fjöldi hlaupara hefur vaxið úr tæplega 100 (1986) í yfir 1100 (2017)
  • Hlutfall kvenna hefur vaxið úr tæplega 10% í rúmlega 30%. Hlutfall karla og kvenna virðist hafa staðnað í 70/30 síðustu ár
  • Eins og í öðrum götuhlaupum hefur meðaltími í 42 km hækkað samhliða auknum fjölda þátttakenda. Heilmaraþon fylgir sama mynstri og í öðrum vegalengdum, þ.e. að fram að árinu 2005 virðast þátttakendur vera „hlaupanördar“ en upp frá því aukast vinsældir hlaupsins umtalsvert. Hlaup hafa frá þeim tíma orðið að meiri almenningsíþrótt.

Vefsíðan hlaup.is hefur verið helsti samkomustaður okkar hlaupara um árabil. Það er virðingarvert starfið sem Torfi og félagar hafa haldið úti því það er alls ekki sjálfsagt. Ég vil því hrósa þeim og hvetja áfram. Öll gögn sem koma fram í þessari greiningu eru fengin frá hlaup.is og birtist þessi grein fyrst þar.

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s